【公廁KOL又來了】
唔好睇我個肚腩咁大，話說當年我都喺修頓呢個籃球聖地留低過唔少腳毛同汗水。上星期我重遊舊地，梗係去吓公廁喇。一入去，嘩！不得了呀！簡直係蔗渣嘅價錢，燒鵝嘅享受（實情係錢都唔駛畀）。
灣仔修頓中心公廁經過一輪整修之後除咗執靚曬個內櫳，亦都加咗唔少新嘅設備，例如：自動感應式嘅水龍頭、梘液機、手部消毒機和廁盆座板消毒機、揚手感應沖厠、納米空氣淨化系統，更加有系統顯示屏畀大家睇下廁所入面嘅空氣有幾清新！
同清潔工叔叔傾開，佢都話工作環境好咗，但最緊要都係希望用家有公德心，等佢都唔駛咁辛苦。大家應承我無論去新定舊嘅公廁都好，要擏錫啲用， 去完廁所要沖水之餘，洗手亦唔好揈到周圍都濕曬啊！
#兄弟射準啲 #GoodShot #公廁KOL #保持公廁清潔 #納米空氣淨化系統好正 #感謝齊重公德愛惜公廁
Search